Пояснительной  записка

      Ламо лия предметнэнь ютксо, конат тонавтневить школасо, неявикс тарка явови эрзя – мокшонь литературантень. Тиринь кельсэ сёрмадозь произведениятнень марто пакшатне теевить содавиксэкс васняяк начальной школасо, седее мейле художественной литературодо содамочитнень таштыть средней ды покш классо тонавтнемстэ. Литературась сехте пек лезды сыненст чарькодемс эрямонть, пертьпельксэнь явлениятнень, домкалгавты превест – мелест, сюпалгавты кель-валост, кепеди кортамонь ды сёрмадомань келень культураст, келейгавты эстетической вановтост.

      Календарно – тематической планированиясь сёрмадозь 8-це классонь Тиринь литература А.М. Каторова Саранск ош Мордовской книжной издательствань учебникенть лувс путозь ды Тиринь литература  5 – 11 классонь программат Саранс ош Мордовской книжной издательствась 2010 иень программанть лангс нежедезь. Тиринь литературань коряс прогамманть сёрмадомсто автортнэ мельсэ кирдизь ды тевс нолдызь сеть паро ёнкстнэнь, конат таштавсть сынст теемстэ ведьгеменде ламо иень перть. 8-це класос саезь тонавтнемс сеть произведениятне, конат кандыть алкуксонь нравственной ды эстетической питне.

     Весемезэ частнэде 34; Недлянь перть ютавтовить 1  урок. Аволь классо ловномантень максолвить 3 част, келень ёроксчинь кастомантень 7 част.

Сисемеце классонь программанть панжсызь эрзянь ды мокшонь моротне, мельгаст молиь героической поэмат, конат сёрмадозь устной народной творчествань мотивтнень коряс. Омбоце пельксэсь лемдязь – «минек писательтне икелень шкань эрямодонть». Колмоце пельксэсь – «Эрзянь ды мокшонь писательтне минек мастордонть». Эйзэнзэ совавтозь произведеният эрзятнень ды мокшотнень неень шкань эрямодост. Те классонть келейгавтозь теоретико – литературной чарькодематне, тонавтницятне теевить содавиксэкс стихосложениянь основатнень, сюжетэнь ды композициянть, эрямонь видечинть ды художественной арсевксэнть марто.

     Сехте покш целесь, кона путови тиринь литературань уроктнень икелев, те – тонавтомс эйкакштнень тиринь келентень ды литературантень, сынст вельде чарькодемс эсь народонть историянзо.