7-це классо программанть содержаниязо

Финнэнь-угрань кельтнень раськесь.

Котоце классо тонавтнезенть мельс ледстямось

Существительноесь. Существительноенть аволь невтемачинь, невтемачинь ды азорксчинь полавтнематне. Существительнойтнень теевемаст.

Прилагательноесь. Качествань невтиця ды относительной прилагательнойтне, сынст лезэст кортамонь рисьмесэнть. Прилагательнойтнень теевемаст.

Числительноесь. Числительнойтнень теевемаст ды сермадомаст.

Местоимениясь. Кортамо пельксэнь полавтомань ды смустень коряс местоимениятнень вейсэндявксост. Местоимениятнень падежга полавтневемаст ды кортамонь рисьмесэнть сынст сайнемаст.

Морфологиясь.Орфографиясь. Парсте кортамось.

Глаголонть кортамо пельксэнь смустезэ ды грамматикань енксонзо: шкань, лицянь ды числань коряс полавтневеманзо, сказуемоекс улемазо. Глаголонть полавтневиця ды а полавтневиця форманзо.

Глаголонть аволь определенной формась, сонзэ суффиксэнзэ: -мс, -ме, -мо.

Глаголонть валлувозо.

Глаголонть видэнзэ. Вейкенькирдань ды ламонькирдань действиянь невтиця глаголтнэ, сынст теевемаст ды сермадомаст.

Переходной ды аволь переходной глаголтнэде чарькодема.

Глаголонь полавтневемась (спряжениясь). Объекттэме ды объект марто полавтневематне (спряжениятне), смустень ды формань коряс сынст явовомаст. Глаголонь переходностенть ды глаголонь спряжениятнень ютксо сюлмавкстнэ.

Глаголонь наклонениятне: изъявительной, кармавтомань, побудительной, сослагательной, условной, условно-сослагательной ды желательной..

Изъявительной наклонениясь. Изъявительной наклонениясо объекттэме полавтневемань форматне: неень шкань, ютазь шкань, сыця шкань. Отрицания марто форматне, сынст теевемаст ды сермадомаст. Объект марто полавтнемань форматне: ютазь шкань, сыця шкань. Глаголонь вейке лицянь форматнень лия лицянь формань смустьсэ кортамонь рисьмесэнть сайнемаст.

Кармавтомань наклонениясь. Кармавтомань наклонениясо объекттэме ды объект марто форматне. Кармавтома наклонениясо объекттэме ды объект марто форматне. Кармавтома наклонениянь форматнесэ глаголонь валлувтне. Арасьчинь форматне, сынст теевемаст ды сермадомаст. Кармавтомань наклонениянь  форматнень чевтелгавтыця пелькске марто сайнемаст.

Сослагательной наклонениясь, сонзэ смустезэ. Сослагательной наклонениянь форматнень теевемаст ды сермадомаст. Отрицания марто форматне, сынст теевемаст ды сермадомаст.

Условной ды условно-сослагательной наклонениятне, сынст смустест ды теевемаст, кортамонь рисьмесэнть сайнемаст.

Желательной наклонениясь, сонзэ смустезэ. Желательной наклонениянь форматнень теевемаст ды кортамонь рисьмесэнть сайнемаст.

Вейке наклонениянь формасо глаголтнэнь лия наклонениянь смустсэ сайнемаст.

Лия кортамо пельксстэ ды глаголсто глаголонь теевемась. Кавонзазь глаголтнэ ды сынст сайнемаст. Теезь (производной) ды кавонзазь глаголтнэнь сермадомаст.

Причастиясь

Причастиядо кода глаголонь а полавтневиця формадо чарькодема. Причастиянть глаголонь ды прилагательноень енксонзо. ВАлрисьмесэ определениякс ды сказуемоекс причастиянть молемазо.

Неень ды ютазь шкань причастиятне, сынст теевемаст. Причастиянь арасьчинь форматнень теевемаст ды сермадомаст.

Причастятнень валонь сюлмавксонь таркас сайнемаст кортамонь рисьмесэнть.

Деепричастиясь

Деепричастиядо кода глаголонь а полавтненвиця формадо чарькодема. Деепричастиянть глаголонь ды наречиянь енксонзо. Валрисьмесэ деепричастиянть лезэзэ.

Деепричастиянь формась, сонзэ теевемазо ды сермадомазо.

Наречиясь

Наречиясь кода кортамо пелькс. Сонзэ смустезэ, грамматикань енксонзо ды валристмесэ лезэзэ.

Смустень коряс наречиятнень вейсэндявксост.

Наречиянь сравнениянь степентне. Сынст теевемаст ды сермадомаст. Наречиятнень теевемаст ды сермадомаст.

Вишкалгавтыця суффикс марто наречиятне.