Тиринь литературань уроктнень 5 классо тонавтницятненень чарькодевтемань сермадовкс

 Программась  нежедеви меельце документнэ лангс: эрзя-мокшонь литературань программат 5-11 класстнэннень, А.И.Брыжинский,А.М.Катарова,Е.И.Азыркина,2010 ие. Родной литература:Учебник-хрестоматия эрзянь школань 5-це класснэнь/ М.И.Брыжинский.2014 ие.

Материалось ловозь 1 часст  недляс/ 34 часст иезэнзэ.

Ламо лия предметтнэнь ютксо,конат тонавтневиь неень школасо , невикс  тарка явови эрзя-мокшонь литературантень.Тиринь кельсэ сермадозь произведениятне марто эйкакштнэ теевить содавикс  васняяк ушодкс класстнэсэ , седе мейле художественной литературадо содаамочитнень таштытьт тонавтнемстэ.Литературась сехте пек лезды сыненст чарькодемс эрямонть , пертьпелькссэ полавтнематнень, домкалгавты превест-мелест,сюпалгавты кель-валост,кепеди кортамонь ды сермадомань келень культураст,келейгавты эрямонь мазычинть лангс  вановтост.

Литературань произведениянень вельде тонавтницятне седе парсте кармить содамо эсь раськенть оймензэ ,тевензэ, седикелень эрямонзо.

Сехте покш вешемась ,кона путови тиринь литературань уроктнень икелев,- тонавтомс эйкакштнэнь тиринь келентень ды литературантень , сынст вельде чарькодемс раськенть эрямопингензэ.

Тиринь кельсэ сермадозь произведениятнень  тонавтнемась лезды рузонь литературанть чарькодемс ды сонзэ  вельде лия раськетнень литературанть содамонзо.  Литературась лезды седе парсте  чарькодемс лия искусствань видтнэнь : театрань  ,живописень, кинонь.

Тиринь литературась кеместэ сюлмави раськенек эрямонть марто, секскак полавтоматне,конат ютыть неень шкасто, кадыть тешкс сонзэ тонавтоманзо лангс. Тиринь литературань уроксо произведениятнень идейно-художественной питненть путомсто сави кирдемс мельсэ эсь прянь  ветямонть ды эрямонь  мазычинь  енкстнэнь.Произведениянть смустензэ ванкшномсто васняяк эряви мель явомс героенть потмоежонзо панжомантеть,невтомс, виде а виде эрямонть  лангс сермадеенть вановтозо  , кодамо художественно-выразительной средства вельде  авторось панжи  персонажтнень тевест-валостя. Ванномс кель-валонь сюпавчинть.Тень пингстэ  тонавтницятне аламонь- аламонь тонадыть арсеме, эсест мелест-превест  евтамо , паро енкстнэнь ды асатыкснэнь нееме.

5-це классо тонавтницятне аламонь-аламонь  тонадыть художественной произведениятнень идейной смустест чарькодеме.Программантень совавтозь эрзянь ды мокшонь устно-поэтической  творчествань ламо евтамот , содавикс сермадейтнень произведенияст.5-це классо, эйкакштнэнь виест ды мелест ловозь, произведениятне аравтневить жанрово-тематической принципенть  коряс : васняяк  максовить эйкакшонь фольклоронь произведениятне ( евкс, содамоевкс, валмеревкс, кельяжамкат, ловномкат), седе тов литературань евкст  ды  баснят , мейле  моли «Эйкакшпора» пельксэсь , козонь совавтозь мельстуиця евтнемат ,  конатнесэ прявт геройтне истят жо эйкакшт , кодат сынсь тонавтницятне, «Эйкакшпоранть» поладьсы «Пертьпельксэсь». Тезэнь совавить произведеният , конатнесэ гайневтеви пертьпельксэнь мазычизэ ды евтавить сонзэ ванстомадо мельтне-превте.Прядови 5-це классонь программась «Историясь» пелькссэнть.Сонзэ  эйс совавтозь  произведениятнесэ евтневи эрзятнень ды мокшотнень седикелень эрямодост ды Ине Отечественной войнань шкасто ятонь каршо народонь тюремадонзо.

Теде башка  максовить теоретико-литературной чарькодемать, аволь классо ловнома туртов произведеният .5 –це  классо сехте покш вешемась- невтемс , кода сюлмавить вейкест-вейкест марто  эрямось – литературань  произведениясь –  сермадеесь.

Минек тиринь литературась сермадозь кавто кельсэ .Ды весе лия енкстнэнь коряс сон а явовиця: невти весе эрзятнень ды мокшотнень сюпав коест-кирдаст, ежомарямост, превест – мелест  ды  бажамост.А эряви  стувтнемс сеньгак : минек литературась кеместэ сюлмавозь рузонсенть марто.

Улить малавикст сюжет.Ве  енов молиця темат ,эрямо лувонь невемат.Ламо минек сермадейтне тонавтнесть рузонь ды лия раськень ероков сермадейтнень пельде .Сатышка мель  явови  эрзятнень ды мокшотнень эрямо коезэст( семиясо эрямо лувось, оршамопелестя, покшчинь ютавтомась) ды национальной обуцянь енкстнэнь панжоматнень. Тиринь келенть сюпавчинть ды мазычинть невтемантень.

Тиринь литературань уроксо эрьва теманть тонавтнемазо ушодови ушодксонь уроксо.Тиринь литературань уроксо эрьва теманть тонавтнемазо уошодови ушодксонь уроксо.

Ушодксонь уроктнень вешемась: кастомс  тонавтницятнень мелест произведениянь ловномо ды парсте  чарькодеме.Ушодксонь уроктнень ютавтомадо  мейле ловновить произведениятне .Вишка жанрань произведениянть мельс туезь ловномась , смустензэ ванкшномась ды  произведениянть рузонь кельст ютавтомась.

Тиринь литературань  уроктнесэ улить аволь классо ловномань урокт .Сон пек лезды  тонавницятненень  содамочист кастомантень.Тиринь литературань коряс содамочитненень, получамс од содамочить литературадо, келейгавтомс эрямонть лангс вановтонть, седе сэрейстэ кепедемс  меленть эсь келенть ды литературанть вечкеме.Аволь классо ловнома произведенияне ванновить башка уроксо.Произведениятне , конат максовить аволь классо ловномантень , совавтозь школань программас.