Общей характеристикась тонавтнема  предметэнть.

          Васенце классонь туртов анокстазь программасонть сех покш мель явозь эйкакштнэнь эрзякс кортамонтень школасо, ялга ютксо, эрямонь эрьва кодамо тевсэ. Сынь тонавтовить эрзянь валонь кунсоломо, чарькодеме, эрзянь валсо видестэ гайтень ёвтамо, мейле – ловномо ды сёрмадомо.

  Ловномо ды сёрмадомо тонавтомась ютавтови васенце классо, сентябрясто саезь маень 24-це чис. Те шкань перть эйкакштне тонавтовить гайтнень марямо, ловномо ды букватнень сёрмадомо, келейгавтовить сынст содамочист эрямодонть, перть пелькстэнть, сюпалгавтови валксост, тонавтовить апак тално кортамо ды содазенть ёвтнеме.

Ловномо ды сёрмадомо тонавтомась ютавтови аналитико-синтетической методонть коряс. Сонзэ лувсо тонавтомась лезды вадрясто чарькодемс валонть гайтень составонзо. Тень пингстэ касы эйкакштнень кортамо маштомань, мазыйстэ ды ильведькстэме ловномань ёрокчись. Уроксо сынь тонавтнить предложениянть валонь-вал, валонть — слогонь-слог, слогтнень — гайтнень лангс явомо, гайтнень — мельга мельцек ёвтамо ды сынст ютксо сюлмавоматнень мукшномо. Эйкакштне кармить маштомо гайтнень буквасо невтеме, слогонь ды валонь кочксеме ды ловномо, тонадыть цела валсо предложениянь ды сюлмавозь текстэнь ловномо.

 Ловномо тонавтнеманть марто вейсэ эйкакштне тонавтнить сёрмадомо, невтеме тетрадьс, кодамо буквасо тешкставить гайттне, буквасто ды слогсто валонь тееме, ильведькстэме сёрмадомо букватнень ды валтнэнь рукописень ды печатамонь шрифтсэ, тонавтыцянть диктовамонзо коряс сёрмадомо валт, конат тешкставить истя, кода марявить, истямо жо валсто нурькине предложениянь сёрмадомо. Тонадыть предложениянь ушодкссо, ломанень ды ракшань лемсэ покш букванть сёрмадомо.

Видестэ ды мазыйстэ ловномо ды сёрмадомо эйкакштнень тонавтомсто, покш мель явови гайтнень слогсто ды цела валсто явомантень, эйкакштнень кортамонь ёрокчист кастомантень ды ваньксстэ, марявиксстэ валтнэнь, слогтнень ды гайтнень ёвтамонтень.

Ловномо ды сёрмадомо тонавтомань уроктнесэ кемекставить кунсоломань ёрокчитне: эйкакштне кармить маштомо вадрясто ды педе пес чарькодеме весе ломантнень (тонавтыцянть, эсест ялгаст ды седе тов) кортамост. Сынь тонавтнить кортамо весе классонть икеле: отвечить тонавтыцянть кевкстеманзо лангс, теить ёвтнемат ловнозденть, неезденть, ванозь кинофильмадо, эйкакшонь книгадо, артовксонь коряс, ушодыть сынсь кевкстнемань максомо.

 Ловномо ды сёрмадомо тонавтомань шкастонть эйкакштне тонавтыцяст марто вейсэ ваныть перть пельксэнь лиякстоматнень ды ломантнень важодемаст мельга, тонавтнить неезденть ёвтнемань арсеме.

Те шкане покш мель эряви явомс сенень, штобу школасо ды семиясо эйкакштнень марто важодевельть вейкетьстэ: семиясо тонавтомс сенень, мезес тонавтыть школасо, тетятненень-аватненень кунсоломс тонавтыцянть вешематнень. 

   Вешематне:

• ушодомс эйкакштнэнь весеме ёндонь кастоманть;
• тонавтомс эрязасто, чарькодезь, мазыйстэ ловномо, ильведькстэме сёрмадомо, эсест мелест – превест ды ёжомарямост кортазь ды сёрмадозь ёвтнеме;
• явомс мель важодеманть вечкемантень, стакачитнень изнямо тонавтомантень.
• тонавтомс тиринь масторонть, ломантнень вечкеме, кастомс покш мель эсь народонть келензэ ды оймень питней чинзэ содамо;
• лездамс эйкакштненень панжомс ды келейгавтомс сынст превень ды кедьёнксонь маштомачист;

  Тарказо тонавтнема  предметэнть  учебной плансо.

     МБОУ «Поселковская средняя  школа №2» учебной планонть коряс « Эрзянский язык» весемезэ тонавтнемс максови 1 классо 99 част   (3част  недлязонзо) ды  «Литературное чтение на эрзянском языке» 1 классо 66 часов (2 част недлязонзо).

  Ценностной  ориентиртнэ тонавтнема предметэнть «Эрзянский язык».

Эрзянь келесь тетянь-авань кель. Сон тонавты улемс алкуксонь ломанекс, кона зярдояк а кадсы келензэ, а стувтсы эсь тиринь ёнксонзо, тиринь кудонзо, тетянзо-аванзо, тонавты улемс лездыцякс, чевте седей ломанекс.

• максомс нурька, чарькодевиця содамочить лия национальностень ломатнеде, сынст культурадост;

• эряви явомс ламо мель минек масторсо эрьва национальностень эрицятнень культураст ютксо сюлмавксонь кастомантень, сюпалгавтомантень;    
• школань эрьва предметэнть вельде тонавтомс тиринь масторонть, ломантнень вечкеме, кастомс покш мель эсь народонть келензэ ды оймень питней чинзэ содамо;
• тонавтомс эикакштнень перть пельксэнть ванстомо, сонзэ сюпавчинзэ ламолгавтомо;
• тонавтомс эикакштнень эсь прянь ветямо, тонавтнема тевенть вечкеме;
• лездамс эйкакштненень панжомс ды келейгавтомс сынст превень ды кедьёнксонь маштомачист;
• кемекстамс эикакштнень шумбрачист.

Неть тевтнень топавтомсто сехте покш тарка максови тиринь келентень. Вишка эйкакшонтень эсь арсеманзо, мелензэ – превензэ ды ёжомарямонзо видестэ ёвтавить ансяк сонзэ лувсо. А стяко К.Д.Ушинский тиринь валонть лемдизе «ине тонавтыцякс». Сон сёрмадсь: «Тиринь келесь, васенце класстнэсэ тонавтомсто, улезэ сех эрявикс предметэкс. Сон сови весе лия предметнэнь юрскак ды сюлми эйсэст».

Тонавтома результаттнэ тонавтнема предметэнть.

Требования к результатам освоения основных общеобразовательных программ по предметам «Мокшанский/ эрзянский язык».

    Мокшанский/эрзянский язык открывает мир к огромному духовному богатству  мордовского народа, повышает уровень гуманитарного образования.

  Основные требования к результатам уровня подготовки состоят в формировании универсальных учебных действий, и конкретизируются в потребности сохранения и развития мордовского (мокшанского/эрзянского) языка. Решает образовательные задачи, которые знакомят учащихся с особенностями мокшанского/эрзянского языка как знаковой системы и средств общения.

    Овладение литературной нормой, усвоение универсальных учебных действий по систематизации мокшанского/эрзянского языка опирается:

История мокшанского/эрзянского языка; лексика всех говоров и диалектов, создание письменности на мордовском языке. Словари мокшанского/эрзянского языка.

   Современный мокшанский/эрзянский язык, сфера мокшанского/эрзянского языка (литературный язык, разговорный язык, общинный язык, , мокшанский язык, эрзянский язык,  язык общения).

            История и современность развития литературного языка. Соблюдение литературной нормы (орфоэпический, лексический, грамматический).

         Изучение мокшанского/эрзянского языка (лингвистика). Разделы обучения языка: фонетика, лексика, морфология, синтаксис.

         Усвоение орфографии мокшанского/эрзянского языка, умение пользоваться пунктуацией.

         Понятие текста (тема, основное содержание, название, эпиграф, система высказывания).

         Жанр текста: описание, повествование, рассуждение.

         Функциональные стили: рассказы, художественные, документы, наука, публицистика.

Личностной результаттнэ.

    Школасо тонавтнезь эрзянь келентень эйкакштнэ тонадыть вадрясто ды педе пес чарькодеме весе ломантнень ( тонавтыцянть, эсест ялгаст ды седее тов) кортамост. Сынь тонавтнить кортамо весе классонть икеле: отвечить тонавтыцянть кевкстеманзо лангс, теить ёвтнемат ловнозденть, неезденть,ванозь кинофильмадо, эйкакшонь книгадо, артовксонь коряс, ушодыть сынсь кевкстемань максомо.

Касыть-кепетить эйкакштнэнь ловномань ёроксчист, кемекставить ды домкалгавтовить текст ды книга марто важодемань маштомачитне, келейгавтови кельвалонь кастомаст, сэрейгавтови кортамонь культураст.

Фольклорось ды художественной литературась мазылгавтыть ды сюпалгавтыть кортамонь келест, валксост.

Эрзянь келесь тетянь-авань кель. Сон тонавты улемс алкуксонь ломанекс, кона зярдояк а кадсы келензэ, а стувтсы эсь тиринь ёнксонзо, тиринь кудонзо, тетянзо-аванзо, тонавты улемс лездыцякс, чевте седей ломанекс.

Эряви ванстомс ды келейгавтомс тиринь келенть!

Регулятивной УУД:

•  кель-валонь кастомась;
• содасы эсензэ келензэ, бажи ильведькстеме кортамо, эсензэ мелензэ-превензэ ды ёжомарямонзо кортазь ды сёрмадозь ёвтнеме.

Познавательной УУД:

• Содасы, мекс ды мезень кисэ тонавтни.
• Пурны эрьва кодат материалт ды информацият. Мордовской литературасто (словарьстэ, справочникстэ, энциклопедиясто, эрьва кодамо книгасто) вешни информация, машты важодеме сынст коряс, кемексты эсензэ превензэ. Мельспаросо кунсолы ды ванны телепередачат. Интернет – сайтстэ машты муеме эрявикс информации, япечаты компьютерсэ исследовательской роботат.

Коммуникативной  УУД

• Карадо – каршо кортамонь(диалогонь) ветямо маштомась, эсеть ялгань кунсоломась, сонзэ ёвтнеманзо поладомо эли домкалгавтомо маштомась. Кортамс апак капша, мелень путозь. Кортамось молезэ аволь диалектэнь, но ванькс литературань кельсэ, сонзэ грамматикань ды орфоэпиянь норматнень лангс нежедезь.
• Ловны эрьва кодамо темань коряс книгат, газетат, журналт; кунсолы музыка, эрзянь морот(тиринь мастордо, ояксчиде ды седее тов).
• Вечкезь, паро мельсэ, чарькодезь кортни тиринь ломантнень марто.
• Машты важодеме коллективсэ.
• Машты парсте кортамо, лиянь кунсоломо.

Предметной  результаттнэ.

•  эряви явомс ламо мель минек масторсо эрьва национальностень эрицятнень культураст ютксо сюлмавксонь кастомантень, сюпалгавтомантень;
•  чарькодсызь тонавтницятне, што эрзянь келесь национальной культурань явления ды эсь келенть тонавтнезь чарькодевить ломантень эрямосо вастневиця ёнксонзо, коензэ-кирданзо, мелензэ-арсеманзо;
• тонавтовить эйкакштнэ эрязасто, чарькодезь, мазыйстэ ловномо, ильведькстэме сёрмадомо, парсте кортамо, эсест мелест-превест ды ёжомарямост кортазь ды сёрмадозь ёвтнеме;
• чарькодьсызь, мезекс эряви сыненст ловномась;
• тонадыть самостоятельна вешнеме эрявикс литература, штобу чарькодемс ды содамс дополнительной  информациянть.